JENERALI MKUNDA AZINDUA MITAMBO YA MAJI SUMAJKT BOTTLING CO. LTD, AFURAHISHWA NA JITIHADA ZA SHIRIKA

Mkuu wa Majeshi ya Ulinzi Nchini Jenerali Jacob John Mkunda leo tarehe 16 Oktoba 2023 amezindua mitambo ya kuzalisha Maji ya kunywa ya Uhuru Peak katika kiwanda cha SUMAJKT Bottling Co. Limited kilichopo Mgulani JKT Jijini Dar es salaam.

Mitambo hiyo yenye thamani ya Tsh Bilioni Moja na milioni 800 inaanza kutumika rasmi kuanzia sasa ili kuongeza ufanisi wa kiwanda ikiwa ni Wingi wa Uzalishaji pamoja na kukidhi hitajio la huduma ya maji nchini.

Akizungumza katika uzinduzi huo Mkuu wa Majeshi Jenerali John Mkunda ametoa shukurani kwa Mkuu wa Jeshi la Kujenga Taifa (JKT) na Afisa Mtendaji Mkuu wa Shirika la Uzalishaji Mali la Jeshi la Kujenga Taifa(SUMAJKT) Meja Jenerali Rajabu Mabele kwa kumpa heshima ya kushiriki tukio hilo la kihistoria lenye lengo la Kukuza Uchumi nchini.

“Niwapongeze SUMAJKT kwa Ujumla kwa namna mnavyojitahidi kuboresha miundo mbinu ya makampuni, viwanda na miradi ili kuongeza Uzalishaji wenye tija na namna mnavyoshiriki majukumu mbalimbali ya kijamii hii ni ishara ya kuliletea Heshima Jeshi kwa Ujumla”

Aidha Jenerali Mkunda ameendelea kusema: “Serikali ya awamu ya sita kupitia Rais Samia ina matarajio Makubwa kwa Jeshi hasa JKT na SUMAJKT kwa namna mnavyotekeleza miradi mikubwa ya kitaifa kwa weledi na kwa wakati”

Kadhalika Jenerali Mkunda amesema kutokana na kiwango kilichoonyeshwa na JKT Kupitia SUMAJKT kutekeleza MRADI wa ofisi ya Rais Ikulu ya Chamwino na Mji wa kiserikali mtumba jijini Dodoma na sasa limepewa jukumu lingine la Ujenzi wa Nyumba 5000 za makazi ya wananchi wanaopisha eneo la hifadhi ya Ngorongoro na kuhamia katika Kijiji cha msomera Handeni Jijini Tanga, ni dhahiri kuwa wameaminiwa kupewa miradi mikubwa ya nchi.

Akizungumzia kuhusu huduma ya Uzalishaji itakayoanza kufanyika sasa Jenerali Mkunda amewasihi SUMAJKT kupitia kiwanda hicho kufanya Uzalishaji wenye faida ikiwa ni pamoja na kupunguza gharama katika kuzalisha maji.

Sambamba na uzinduzi wa mitambo hiyo, Jenerali Mkunda pia Amezindua magari mapya yatakayotumika katika usambazaji wa maji kwa wateja, ambapo magari hayo ambapo magari hayo yamenunuliwa na SUMAJKT.

Naye Mkuu wa Tawi la Utawala Jeshi la Kujenga Taifa Brigedia Jenerali Hassan Mabena Kwa niaba ya Mkuu wa Jeshi la Kujenga Taifa na Afisa mtendaji Mkuu wa SUMAJKT Meja Jenerali Rajabu Mabele amemshukuru Jenerali Mkunda kwa kukubali kuwa mgeni rasmi katika uzinduzi huo wa mitambo ya kiwanda ambacho kina takribani miaka sita tangu kuanzishwa kwake.

“kiwanda kilianzishwa mwaka 2018 kikiwa na uhafifu wa Uzalishaji hali iliyopelekea shirika kuona umuhimu wa kufanya maboresho ili kuongeza Uzalishaji na mapato kwa shirika”

Kwa Upande wake Mkurugenzi Mtendaji wa SUMAJKT Kanali Petro Ngata amesema tukio hilo ni adhma ya kutimiza malengo ya shirika ya kuboresha, viwanda vingine, makampuni, na Miradi mbalimbali ili kukuza shirika kiuchumi.

Uzinduzi huo umehudhuriwa na Maafisa Jenerali, wakuu wa matawi , Wakurugenzi wa SUMAJKT na JKT kwa ujumla, Wakuu wa MIRADI, wakuu wa shule, Vyuo, Baadhi ya wakuu wa vikosi, wajumbe wa Bodi ya SUMAJKT, pamoja na watendaji wa SUMAJKT, na Waandishi wa habari.

Similar Posts

  • Mkuu wa Jeshi Namibia avutiwa na shughuli za SUMAJKT

    Mkuu wa Jeshi Namibia avutiwa na shughuli za SUMAJKT. Mkuu wa Jeshi la Nchi kavu Nchini Namibia Meja jenerali Aktofel Nambahu Amevutiwa na Shughuli za Uzalishaji mali zinazofanya na Jeshi la Kujenga Taifa Kupitia Shirika lake SUMAJKT. Meja Jenerali Nambahu amepokelewa na Naibu Mkurugenzi Mtendaji wa SUMAJKT Brigedia Jenerali Shija Lupi kwa Niaba ya Mkuu wa Jeshi la Kujenga Taifa na Afisa Mtendaji Mkuu wa SUMAJKT Meja Jenerali Rajabu Mabele leo tarehe 20 Agosti 2025 Makao Makuu ya Shirika Mlalakuwa Jijini Dar es salaam. Mkuu wa Jeshi Namibia avutiwa na shughuli za SUMAJKT. Ziara yangu JKT ni mualiko wa Mkuu…

  • |

    Maafisa UPDF watembelea SUMAJKT Makao Makuu

    Maafisa UPDF watembelea SUMAJKT Makao Makuu. Maafisa Jenerali, Maafisa wakuu na Askari kutoka Jeshi la Uganda (UPDF) wakiongozwa na Meja Jenerali Willium Nabasa, leo tarehe 29 Aprili 2025 wametembelea Makao Makuu ya SUMAJKT Mlalakuwa Dar es Salaam ili kujifunza shughuli za Jeshi la Kujenga Taifa na SUMAJKT kwa manufaa ya kuliendeleza Jeshi la Uganda. Maafisa hao wamepokelewa na Mkuu wa Shule ya Jitegemee Kanali Emmanuel Mwaigobeko, kwa niaba ya Mkuu wa Jeshi la Kujenga Taifa Meja Jenerali Rajabu Mabele. Akizungumzia ugeni huo Kanali Mwaigobeko, amesema lengo la ziara hiyo ni kujifunza Shughuli zinazofanywa na JKT pamoja na SUMAJKT. Jeshi la…

  • SUMAJKT Kutafuta Fursa za Biashara visiwani Comoro

    Ujumbe wa Shirika la Uzalishaji Mali la Jeshi la Kujenga Taifa (SUMA JKT) unazuru nchini Comoro kwa minajili ya utafutaji wa fursa za ushirikiano wa kibiashara ikiwa ni siku chache baada ya kumalizika kwa Mkutano wa Wenyeviti na Watendaji Wakuu ambao ulihimiza Mashirika ya Umma kuangazia fursa nje ya nchi. Ziara hiyo inafuatia mwaliko wa Gavana wa Kisiwa cha Ngazidja Mheshimiwa Ibrahim Mze na inataratibiwa na Ubalozi wa Tanzania nchini Comoro inaongozwa na Mkurugenzi Mtendaji wa SUMA JKT, Brigedia Jenerali Petro Ngata. Mara baada ya kuwasili, Ujumbe wa SUMA JKT ulipata fursa ya kufanya mazungumzo na Gavana wa Kisiwa cha…

  • SUMAJKT Yatwaa tuzo Sabasaba

    SUMAJKT Yatwaa tuzo Sabasaba. Jeshi la Kujenga Taifa kupitia Shirika lake la Uzalishaji Mali (SUMAJKT) limeibuka mshindi wa Kwanza katika Samani na Ubunifu wa ndani katika Maonyesho ya 49 ya Biashara Kimataifa (Sabasaba) yanayoendelea katika Viwanja vya Mwalimu Julias Nyerere, Barabara ya Kilwa jijini Dara es Salaam. Tuzo ya Ushindi huo imekabidhiwa na Waziri wa Viwanda na Biashara Tanzania Mhe. Selemani Jafo, kwa Mkuu wa JKT na Afisa Mtendaji Mkuu wa SUMAJKT Meja Jenerali Rajabu Mabele, katika ufunguzi wa Maonesho hayo leo tarehe 7 Julai 2025 katika Viwanja vya Sababa jijini Dar es Salaam. Akizungumzia Ushindi huo Mkuu wa JKT…

  • |

    BRIGEDIA JENERALI NGATA AFANYA MAZUNGUMZO NA WAFANYABIASHARA NCHINI COMORO

    Mkurugenzi Mtendaji wa Shirika la Uzalishaji Mali la Jeshi ka Kujenga Taifa (SUMAJKT) Brigedia Jenerali Petro Ngata amefanya mazungumzo na Jumuiya ya wafanyabiashara kisiwani Comoro katika ukumbi wa Chambre de Commerce Ngazidja uliopo kisiwani humo. Kikao hicho kimefanyika tarehe 5 Septemba 2024, na wafanyabiashara wanaochukua bidhaa Tanzania na kuzipeleka nchini Comoro, Brigedia Jenerali Ngata alipata fursa ya kueleza shughuli mbalimbali zinazofanywa na SUMAJKT hususani katika Sekta ya Ujenzi, Kilimo, Mifugo na Uvuvi. Aidha, Brigedia Jenerali Ngata ameeleza nia thabiti ya SUMAJKT kuhitaji kufanya kazi na wafanyabiashara hao katika nyanja ya Ujenzi na Kilimo. Kwa upande wa wafanyabiashara kisiwani Comoro wamesema…

  • Waziri wa Ulinzi Angola apongeza malezi ya JKT kwa vijana

    Waziri wa Ulinzi wa Angola apongeza namna Jeshi la Kujenga Taifa linavyowalea Vijana wa Kitanzania. Waziri wa Ulinzi wa Angola Mhe.Joao Ernesto Das Santos ametoa pongezi hizo katika mwendelezo wa ziara yake hapa nchini, ambapo ametembelea Kikosi cha Ruvu JKT kilichopo Mkoa wa Pwani tarehe 9 Januari 2025.

Leave a Reply

Your email address will not be published. Required fields are marked *