Brigedia Ngata azindua magari ya Usafi SUMAJKT

Mkurugenzi Mtendaji wa Shirika la Uzalishaji Mali la Jeshi la Kujenga Taifa (SUMAJKT) Brigedia Jenerali Petro Ngata, amezindua magari matano yenye thamani zaidi ya shilingi Bilioni moja ya Kampuni ya Usafi na Unyunyiziaji Dawa (SUMAJKT Cleaning and Fumigation Co.Ltd) Kwa niaba ya Mkuu wa JKT na Afisa Mtendaji Mkuu wa SUMAJKT Meja Jenerali Rajabu Mabele.

Akizindua magari hayo Leo tarehe 19 Novemba 2024, Brigedia Jenerali Petro Ngata ameeleza kuwa Menejimenti ya SUMAJKT imejiwekea mikakati ya kuendelea kuongeza vitendeakazi ili kuongeza ufanisi katika utekelezaji wa majukumu yake.

Nae Mkurugenzi Mwendeshaji wa Kampuni ya Usafi na Unyunyiziaji Dawa ya SUMAJKT, Kapteni Rosemary Katani amesema kuwa Kampuni hiyo inatoa huduma ya usafi katika mikoa yote Tanzania Bara na hadi sasa imefanikiwa kutoa ajira kwa vijana zaidi ya 1600.

Kampuni ya Usafi na Unyunyizi Dawa ya SUMAJKT inafanya kazi katika Taasisi za Serikali, Mashirika ya Umma na watu Binafsi.