SUMAJKT yazindua gari kuongeza ufanisi shule ya Kawawa

Mkurugenzi Mtendaji wa Shirika la Uzalishaji Mali la Jeshi la Kujenga Taifa (SUMAJKT) Brigedia Jenerali Petro Ngata, amezindua Gari aina ya TATA Marcopolo kwa ajili ya Matumizi ya Shule ya Awali na Msingi ya Kawawa iliyopo Wilaya ya Mafinga Mkoani Iringa.

Akizungumza mara baada ya Uzinduzi huo Brigedia Jenerali Ngata ameutaka Uongozi wa Shule hiyo kutunza Vitendea kazi vinavyo nunuliwa ikiwemo gari hilo ili viweze kufanya kazi kwa Muda mrefu kwa manufaa ya Shule na Shirika kwa Ujumla.

Akitoa taarifa fupi kabla ya Uzinduzi huo Mkuu wa Shule ya Kawawa Kanali Ernest Sikaponda amelishukuru shirika kwa kufanikisha Ununuzi wa gari hilo.

Uzinduzi wa Gari hilo umefanyika leo tarehe 28 Oktoba 2024, Makao Makuu ya SUMAJKT na kuhudhuriwa na Maafisa Wakuu, Maafisa wadogo, Askari, Vijana watumishi wa Umma.

Kwa habari zaidi gusa video hapa chini..